Elize Mertens ham safdan chiqdi

Belgiyalik tennischi Elize Mertens "Uimbldon" musobaqasining to‘rtinchi davrasida kutilmaganda mag‘lubiyatga uchradi.

Uning mazkur bosqichdagi raqibi chexiyalik Barbora Strikova tajovuzkor o‘yin namoyish etib yakunda 4:6, 7:5, 6:2 hisobida zafar quchdi.

Shu tariqa London shahrida o‘tayotgan chempionatning chorak finaliga yo‘l olgan Strikova, endi britaniyalik Yoxanna Konta, yoki hamyurti Petra Kvitova bilan kuch sinashadi.