Errera: «Ronalduni xato qildi»
Ander Errera mojarodan so‘ng Krishtianu Ronaldu jamoani tashlab ketgani uchun uni tanqid qildi, Ronaldu 30 kungа chetlatildi.
Ispaniyalik taniqli futbolchi Ander Errera Portugaliya terma jamoasida yuzaga kelgan vaziyatdan so‘ng Krishtianu Ronalduni tanqid qildi.
Kuzgi xalqaro tanaffus vaqtida portugaliyaliklar sardori bosh murabbiy Jorje Jezush bilan kelishmovchilikdan keyin terma jamoa ixtiyorini o‘zboshimchalik bilan tark etgan. Murabbiy va yulduz hujumchi o‘rtasidagi nizoga UEFA Millatlar ligasi doirasida Norvegiyaga qarshi o‘yinda berilgan o‘yin vaqti sabab bo‘lgan.
«U xato qildi, sardor jamoa bilan birga bo‘lishi kerak. Siz murabbiy uning ishonchini oqlamagan deb hisoblashingiz mumkin, ammo yetakchi jamoa bilan birga bo‘lishi shart. Ronalduning o‘zi ham buni tan oldi», — deya «Saragosa» futbolchisining so‘zlarini AS nashri keltirmoqda.
Intizomiy ish ko‘rib chiqilgandan so‘ng 41 yoshli hujumchi 255 yevro miqdorida jarimaga tortildi va 30 kungа diskvalifikatsiya qilindi.
Izohlar (0)