Farg‘onada eng kuchli dzyudochilar aniqlanadi
Shahzod
Bugun Farg‘ona shahrida dzyudo bo‘yicha o‘smirlar va qizlar o‘rtasidagi O‘zbekiston chempionati boshlanadi.
Mamlakat birinchiligida 2002-2003 yilda tug‘ilgan yoshlar tatamiga chiqishadi. O‘zbekiston chempionatida Qoraqalpog‘iston Respublikasi, barcha viloyatlar hamda Toshkent shahridan iste’dodli dzyudochilar ishtirok etadi. Bu haqda dzyudo federatsiyasi matbuot xizmati xabar bermoqda.
O‘zbekiston chempionatining barcha g‘olib va sovrindorlari 7 mart kuni ma’lum bo‘ladi. G‘oliblar mamlakat yoshlar terma jamoasi tarkibiga jalb qilinadi.
Izohlar (0)