FIFA Ronalduni Saudiyadan olib ketmoqchi
G‘alati taklif
FIFA prezidenti Janni Infantino Saudiya Arabistonidan tashqaridagi klublarni “An-Nasr” hujumchisi Krishtianu Ronalduni klublar o‘rtasidagi jahon chempionatiga jalb qilishga chaqirdi.
Bu haqda taniqli jurnalist Ben Jeykobs o‘zining ijtimoiy tarmoqdagi sahifasida ma’lumot tarqatdi.
Portugaliyalik yulduzning “An-Nasr” bilan shartnomasi 30 iyun kuni tugaydi. Klub unga hamkorlikni uzaytirish bo‘yicha yangi bitim bergan.
O‘z navbatida, Saudiya Arabistonining klublar o‘rtasidagi jahon chempionatida ishtirok etadigan klubi “Al-Hilol” ham 40 yoshli to‘purarni o‘z safiga qo‘shib olishga harakat qilyapti.
Shuningdek, FIFA yangi formatda o‘tkazayotgan klublar o‘rtasidagi jahon chempionatining bir nechta ishtirokchilar – “Real”, “Chelsi”, “Monterrey” kabi turli mamlakatlar jamoalari ham ushbu turnirda qatnashishni orzu qilayotgan Ronaldu bilan qisqa muddatli shartnoma tuzishga tayyor ekani haqida xabarlar tarqatilgan edi.
Izohlar (0)