Flik PSJ "Barsa"dan ustun ekanini tan oldi

Nemis mutaxassisi uchrashuvdan so‘ng parijliklarning ayniqsa hujum va himoya o‘rtasidagi o‘tish bosqichlaridagi o‘yini­ni alohida ta’kidladi va o‘z jamoasi bellashuv oxirida charchab qolganini tan oldi.

- Bu ikki jamoa uchun ham fantastik o‘yin bo‘ldi. "PSJ" bizdan kuchliroq ekanini isbotladi. Qanday xulosa chiqarishim mumkin? Ularda o‘tish fazalari juda yuqori darajada, juda sifatli, - dedi u.

Uning so‘zlariga ko‘ra, so‘nggi 10 daqiqa davomida jamoa jismonan ham, ruhan ham yetarlicha sergak bo‘lmagan.

- Bu bahona emas, lekin bu o‘yinga tayyorgarligimiz ideal darajada kechmadi, - deya "AS" nashri Flik so‘zlarini keltiradi.

Eslatib o‘tamiz, uchrashuv "Barselona" uchun 2:4 hisobida mag‘lubiyat bilan yakunlandi. Bu kataloniyaliklarning joriy mavsumdagi ilk mag‘lubiyati bo‘ldi. Parijdagi bellashuvga qadar "Barselona" 2026/2027 yildgi mavsumda biror marta ham yutqazmagan edi.