Flik Rodri transferiga qanday munosabat bildirdi?
Nemis murabbiyi nimalar dedi?
«Barselona» bosh murabbiyi Hans-Diter Flik «Oltin toʻp» sohibi Rodrining jamoaga kelib qoʻshilgani haqida fikr bildirdi.
- Albatta, uni olish imkoniyati biz uchun juda katta imkoniyat edi. Shuning uchun hammamiz bu transferga yuz foiz ishonch bilan yondashdik, chunki u ajoyib futbolchi. U qaysi jamoada oʻynamasin, oʻsha tarkibga alohida sifat qoʻshadi. Men uchun uni qoʻlga kiritish katta yutuq boʻldi, yanada aniqrogʻi, uning bu yerda ekani juda yoqimli holat, — dedi Flik.
Murabbiyning taʼkidlashicha, Rodri hozirgi kunda dunyodagi eng kuchli tayanch yarim himoyachilardan biri hisoblanadi.
- Menimcha, u, ehtimol, eng yaxshi tayanch yarim himoyachi. U oʻyinni nazorat qila oladi, shu bilan birga himoyada ham juda katta yordam beradi. Havodagi kurashlarda ham oʻta ishonchli oʻynaydi, bu esa biz uchun juda muhim. Eng asosiysi, u maydondagi har bir futbolchining oʻyin darajasini oshiradi, — deya Flikning soʻzlarini Barca Family News telegram-kanali keltiradi.
Eslatib oʻtamiz, «Barselona» 18 avgust kuni Rodrining «Manchester Siti»dan oʻtishi haqida rasmiy eʼlon qildi. 30 yoshli futbolchi bilan tuzilgan shartnoma 2030 yil 30 iyuniga qadar moʻljallangan.
Izohlar (0)