"Futures Cup" turniri. 7 nafar bokschimiz yarim finalda!

Tailandning Bangkok shahri boks bo‘yicha yoshlar o‘rtasida "Futures Cup" xalqaro turniriga mezbonlik qilmoqda. Ushbu musobaqada ikki terma jamoamiz ham ishtirok etyapti.

Bugun yarim final uchun yigit-qizlarimiz kurashga kirishdi. Kun davomida 10 nafar bokschilarimizning bahsiga guvoh bo‘ldik. Quyida natijalar bilan tanishishingiz mumkin.

-48 kg vaznda bo‘lib o‘tgan bahsda, Maftuna Musurmonova Shimoliy Koreya vakilasi Yu Gyong Kimga qarshi bahs olib bordi va afsuski, 1:4 hisobida mag‘lubiyatga uchradi.

-60 kg vaznda bo‘lib o‘tgan chorak finalda, Rushanabonu Isoyeva slovakiyalik Karolina Kollarovani 3:2 hisobida mag‘lub etib, yarim finalga yo‘l oldi.

Abdugani Yorqinjonov ham yarim finalga yo‘l oldi. Bokschimiz -50 kg vaznda mezbon Txitiphan Hamraedan 5:0 hisobida ustun keldi.

-55 kg vaznda bo‘lib o‘tgan navbatdagi chorak finalda, Bekzod Ismoiljonov meksikalik Jonatan Bibrieskaga hakamlarning qarorlariga ko‘ra 2:3 hisobida mag‘lub bo‘ldi.

Sardorbek Bahromxo‘jaev -85 kg vazndagi chorak final, qirg‘izistonlik Ibragim Bakalovga imkon qoldirmadi. 5:0.

Asadbek Sultonboev ham yarim finalda! Bokschimiz -90 kg vaznda, panamalik Norman Simmonsdan ustun keldi. 5:0.

-51 kg vaznda bo‘lib o‘tgan chorak final bahsida, Nazokat Mardonova iordaniyalik Tala Husseindan 5:0 hisobida ustun keldi.

Sevara Mamatova -65 kg vaznda musobaqadagi birinchi bahsini birinchi raunddayoq tugatdi. Senegal vakilasi Soda Foye texnik nokautga uchratildi.

-65 kg vaznda bo‘lib o‘tgan chorak finalda, Ibrohim Shokirjonov yaponiya­lik Kunimitsu Honjoga 0:5 hisobida imkoniyatni boy berib musobaqa bilan hayrlashdi.

Suhrob Rahmatullaev ham yarim finalga yo‘l oldi. Bokschimiz bu yo‘lda -75 kg vaznda, jazoirlik Mohamed Monsefdan ustun keldi. 5:0.

Bu haqida O‘zbekiston boks federatsiyasi xabar bermoqda