Gvardiola ispanlarga finalda Argentinani yengish yo‘lini aytdi

«Manchester Siti»,  «Bavariya» va «Barselona» klublarining sobiq bosh murabbiyi Xosep Gvardiola Jahon chempionati finalida Ispaniya terma jamoasining imkoniyatlari haqida fikr bildirdi.

Uning taʼkidlashicha, u doim oʻzini maʼqul qilgan futbolchilar toʻp surgan jamoalarni qoʻllab-quvvatlaydi.

- Qaysi jamoa gʻalaba qozonishidan qatʼi nazar, men uchun bu quvonchli boʻladi. Agar Argentina yutib chiqsa, u yerda men birga ishlagan oʻyinchilar bor, ular uchun xursand boʻlaman. 

Xuddi shuni Frantsiya haqida ham ayta olaman. Portugaliya safida ham oʻyinini katta hurmat qilgan futbolchilarim bor, — deya taʼkidlagan Gvardiola.

Mutaxassisga koʻra, Ispaniya finalda hal qiluvchi ustunlikka ega boʻlishi mumkin.

- Agar Rodri markazda Pedri bilan birga oʻyinni toʻliq nazorat qila olsa, Lamin Yamal esa oʻzining eng yaxshi oʻyinini namoyish etsa, Ispaniya oʻyin taqdirini hal qiladigan jamoaga aylanishi mumkin, — deya Gvardiolaning soʻzlarini keltiradi AS nashri.

Eslatib oʻtamiz, Argentina va Ispaniya terma jamoalari oʻrtasidagi Jahon chempionati–2026 final bahsi 19 iyul kuni boʻlib oʻtadi.