Asosiy mazmunga oʻtish
Boks

Hamyurtlarimiz Janubiy Koreyada ringa ko‘tariladi

Ahmadbek Eshmatov
Izohlar: 0

Professional bokschilarimiz Abdurasul Ismoilov hamda Shohrux Ashurovlar navbatdagi reyting janglarini o‘tkazishadi.

29 iyun kuni Janubiy Koreyaning Seul shahrida katta boks oqshomi bo‘lib o‘tadi. Mazkur kechaning markaziy jangi qizlar o‘rtasida ya’ni mezbon Xun Mi Choy yaponiyalik Vakako Fujivara o‘rtasida bo‘lib o‘tadi. Ushbu jang WBA jahon chempionlik kamari uchun kechadi. Mazkur boks kechasining biz uchun ahamiyatli jihati shundaki, unda ikki nafar hamyurtimiz ham ringa ko‘tariladi. Jumladan, avval xabar berib o‘tganimizdek, “Cocky Buffalo” promouterlik kompaniyasi tarkibida harakat qilayotgan yosh iste’dodli murabbiy Bobur Najmiddinov shogirdi Abdurasul Ismoilov mezbon Kung Vangga qarshi jang olib borsa, yana bir hamyurtimiz tajribali Zufar Sulaymonov qo‘l ostida mashg‘ulotlar olib boradigan Shohrux Ashurov(2-1-1-0) rossiyalik Mixail Lesnikovga (6-3-3-0) qarshi ringa ko‘tariladi.

Eslatib o‘tamiz: Hamyurtlarimiz ishtirokidagi har ikki jang ham olti raunddan iborat bo‘ladi.

64248036_460989564635537_6789322853696143360_n_1

Ulashish
SPORTS.uz'ni Youtube'da tomosha qiling!

Izohlar (0)

Hozircha izohlar yo'q