Asosiy mazmunga oʻtish
Futbol

“Inter Mayami” egasi Messining maoshini oshkor qildi

Zohir Toshxo'jayev
Izohlar: 0

Messi klubni qiyinayapti

“Inter Mayami” klubi egasi Xorxe Mas jamoa hujumchisi Lionel Messi haqida fikr bildirdi va klub uchun homiylik shartnomalari nega juda zarurligini tushuntirdi.

- Menga jahon darajasidagi homiylar kerak bo‘lishining asosiy sababi – futbolchilar qimmat turadi. Men Lionel Messiga yiliga 60–70 million yevro to‘layman.

Barcha bonuslarni qo‘shib hisoblaganda shuncha summa kelib chiqadi. Ammo u bu xarajatlarga arziyadi, - dedi Xorxe Mas.

Argentina yulduzi hozirda dunyoda eng katta maosh oladigan ikkinchi futbolchi hisoblanadi. Messi bu borada faqat “An-Nasr” hujumchisi Krishtianu Ronaldudan orqada qolyapti xolos.

Messi 2023 yilda “Inter Mayami”ga o‘tgan va shundan beri Florida klubi safida 90 ta o‘yinda ishtirok etib, 79 ta gol urgan.

Ulashish
SPORTS.uz'ning Facebook'dagi sahifasiga a’zo bo‘ling!

Izohlar (0)

Hozircha izohlar yo'q