Islom Maxachev faoliyatini yakunlaydi, agar...
Hammasi jangchining onasiga bog‘liq!
Vazn toifasidan qat’iy nazar, dunyoning birinchi raqamli UFC jangchisi Islom Maxachev professional faoliyatini qachon tugatishini aytdi.
"Karyeramni yakunlash – uyda ko‘tariladigan eng og‘riqli mavzu. Doim onam bilan shu bo‘yicha suhbatlashaman. Hozircha u menga qat’iy shart qo‘ymadi, biroq yaqinda: "Men Xabib bilan uchrashmoqchiman, u bilan gaplashib olishimiz kerak," dedi. Hali onam va Nurmagomedovni uchrashtirmadim, lekin suhbat mavzusini tushundim. Albatta, agar onam to‘g‘ridan-to‘g‘ri talab qilib, masalani ko‘ndalang qo‘ysa, ha - men faoliyatimni tugataman", - dedi rossiyalik jangchi Murod Aliskerovga bergan intervyusida.
Eslatib o‘tamiz, Islom Maxachev 15 avgust kuni Filadelfiyada o‘tkaziladigan "UFC 330" turnirida oktagonga qaytishi kutilmoqda. U bilan jang qilish uchun asosiy nomzod divizionning birinchi raqamli vakili, irlandiyalik Ian Machado Garri bo‘lib turibdi. Biroq bu hozircha rasmiy tasdig‘ini topmagan.
Izohlar (0)