Ispaniya — O‘zbekiston o‘yinida uchta gol urildi
Bu ikkinchi uchrashuv edi
O‘zbekiston U-17 yoshlar terma jamoasi navbatdagi o‘rtoqlik uchrashuvida Ispaniya yoshlariga 0:3 hisobida mag‘lub bo‘ldi.
Bellashuv Ispaniyaning Albir shahriда bo‘lib o‘tdi. Birinchi bo‘limda darvozalar daxlsiz saqlandi va jamoalar dam olishga 0:0 hisobida yo‘l olishdi. Ikkinchi taymda esa maydon egalari ustunlikka erishdi va uchta gol urdi.
65-daqiqaга kelib Gilyermo Truxilyano penaltiни aniq amalga oshirib, Ispaniyani hisobda oldinga olib chiqdi. Uchrashuvning asosiy vaqtiga qo‘shib berilgan daqiqalarda Roberto Tomas 90+1-daqiqayoq hisobni oshirdi. Ortidan yana uch daqiqa o‘tib, Mixal Juk uchinchi gol muallifiga aylandi va natija yakuniy ko‘rinishni oldi — 3:0.
O‘zbekiston U-17 terma jamoasi uchun bu Ispaniyadagi yig‘in doirasidagi ikkinchi o‘yin bo‘ldi.
Bundan avval Sergey Chigodaev shogirdlari Urugvay U-17 jamoasiga ham 0:3 hisobida imkoniyatni boy bergan edi.
Mazkur o‘rtoqlik uchrashuvlari 17 yoshgacha bo‘lgan futbolchilar o‘rtasidagi jahon chempionatiga tayyorgarlik doirasida o‘tkazilmoqda. Musobaqa 19 noyabrdan 13 dekabrga qadar Qatarda bo‘lib o‘tadi.
Izohlar (0)