Asosiy mazmunga oʻtish
Futbol

Ispaniya terma jamoasida o‘ynagan yulduz futboldan ketdi

Zohir Toshxo'jayev
Izohlar: 0

Endi uni maydonda ko‘rmaysiz

Ispaniya terma jamoasi bilan ikki marta Yevropa chempionatida g‘olib chiqqan mohir futbolchi Santi Kasorla professional faoliyatini yakunladi. Bu haqida uning o‘zi ijtimoiy tarmoqlardagi sahifasida ma’lum qildi.

41 yoshli futbolchi "Oviedo" bilan shartnomasi yakunlangach, professional futbolchi sifatidagi faoliyatini tugatishga qaror qildi. Aynan shu klubda uning katta futboldagi yo‘li boshlangan edi. 

Kasorla muxlislarga yillar davomidagi qo‘llab-quvvatlovi uchun minnatdorchilik bildirdi va karerasini ilk qadamlarini qo‘ygan jamoasida yakunlayotganidan mamnunligini ta’kidladi.

Faoliyati davomida ispaniyalik futbolchi "Arsenal", "Vilyarreal", "Malaga" hamda boshqa qator klublar sharafini himoya qildi. Ispaniya terma jamoasi tarkibida esa u 2008 va 2012 yillarda ikki karra Yevropa chempioni bo‘lishga muvaffaq bo‘lgan.

Ulashish
SPORTS.uz'ni Youtube'da tomosha qiling!

Izohlar (0)

Hozircha izohlar yo'q