Jalolov yarim finalda!

Xabaringiz bor, 24 maydan 1 iyungacha Tailandning Bangkok shahrida boks bo‘yicha xalqaro turnir bo‘lib o‘tadi.

Bugun ham bokschilarimiz chorak finalda o‘z uchrashuvlarini o‘tkazishi belgilangandi.

-80 kg da ishtirok etayotgan Samandar Jalolov janubiy koreyalik Kim Minseongga qarshi kurash olib bordi. To‘liq 3 raund davom etgan to‘qnashuvda vakilimiz raqibga hech qanday imkon qoldirmadi. Jalolov 5:0 hisobida g‘alaba qozonib, yarim finalga yo‘l oldi.

Shu tariqa bugun ringga ko‘tarilgan 6 nafar hamyurtimizdan 5 nafari yarim final yo‘llanmasini qo‘lga kiritdi.