Asosiy mazmunga oʻtish
Futbol

Kasilyas: "Mourino meni “quloq”likda ayblagandi”

Karim Xudayqulov
Izohlar: 0

"Real Madrid" hamma narsadan ustun turadi

Ispaniya terma jamoasi va "Real Madrid" klubi sobiq darvozaboni Iker Kasilyas Joze Mourino bilan bo‘lgan kelishmovchilikni esladi.

"Men u bilan kiyinish xonasiga borib gaplashishim kerak edi va buni qilmaganimdan afsusdaman. Biz bilan sodir bo‘layotgan noxush vaziyatni kuchaytirmoqchi emasdim. U meni jurnalistlar bilan do‘stlashganlikda ayblagandi, ammo kiyinish xonasidan matbuotga biror narsa chiqib ketadigan darajada yaqin emasdim. 

Odamlar nafrat haqida gapirishadi, biroq vaqt o‘tishi bilan hamma narsa o‘tib ketadi. Mourino bilan munosabatlarimiz do‘stlik va nafrat orasida edi. Nima bo‘lgan taqdirda ham u bilan o‘tgan davrni yaxshi xotiralar sifatida eslayman. Biroq "Real Madrid" hamma narsadan ustun turadi", - dedi Kasilyas.

Ma’lumot uchun, kiper "qaymoqranglilar" safida professional futbolga qadam qo‘ygan edi.

Ulashish
SPORTS.uz'ning Instagram'dagi sahifasiga qo‘shiling!

Izohlar (0)

Hozircha izohlar yo'q