Kazemiro: "Ba’zida u menga Krishtianu Ronalduni eslatadi"

“Manchester Yunayted” yarim himoyachisi Kazemiro hozir dunyoning eng yaxshi futbolchisi kim ekanini aytdi.

"Ayni damda Kilian Mbappe eng yaxshisi. U juda aqlli va tezkor futbolchi. Ba’zida u menga Krishtianu Ronalduni eslatadi. Yana kim 38 yoshda 50 ta gol urishi mumkin? Krishtianuning jahon futboliga qo‘shgan hissasini baholash qiyin", - deya braziliyalik yarim himoyachining so‘zlarini keltiradi "El Chiringuito" nashri.

Mavsum yakunida Mbappe PSJni tark etib, erkin agent sifatida "Real"ga o‘tishi xabar qilingandi. 25 yoshli futbolchi "qirollik klubi" bilan 5 yillik shartnoma imzolaydi.