Koke "Atletiko" klubi rekordini yangiladi
O'yin har tomonlama muvaffaqiyatli bo'ldi
Ispaniya chempionatidagi oltinchi turning markaziy bahsida «Atletiko» derbida «Real»ni 2:1 hisobida mag‘lub etdi.
«Matraschilar» sardorlaridan biri Koke uchun bu uchrashuv alohida ahamiyat kasb etdi. U «Real»ga qarshi o‘z klubi safida 28-marta maydonga tushdi. Shu tariqa, Koke «Atletiko» tarixida madriddlik raqibga qarshi eng ko‘p o‘yin o‘tkazgan futbolchiga aylandi. Ilgari bu rekord 27 ta o‘yin bilan Abelardo Rodrigesga tegishli edi.
Bu g‘alabadan so‘ng madriddliklar chempionlik poygasida o‘z da’vosini yana bir bor kuchli tarzda namoyon etdi. Hozircha «Atletiko» turnir jadvalida peshqadam «Barselona»dan besh ochkoga orqada bormoqda. Keyingi turda Diego Simeone shogirdlari safarda «Alaves»ga qarshi maydonga tushishadi.
Izohlar (0)