Marokash Braziliya bilan durangdan norozi

Jahon chempionati – 2026 musobaqasidagi ilk oʻyinini oʻtkazgan Marokash terma jamoasi Braziliya milliy jamoasiga qarshi bahsda 1:1 hisobida durang qayd etdi. Uchrashuvdan keyin afrikaliklarning bosh murabbiyi Mohamed Uabi ushbu natija haqida fikr bildirdi.

«Jamoa yaxshi oʻyin namoyish etdi. Biz gʻalabaga umid qilgan edik, ammo bu futbol. Bu uchrashuvda yetishmagan jihatlar ustida ishlaymiz. Shotlandiyaga qarshi oʻyinga toʻliq tayyor holda chiqamiz. Futbolchilar bir oz tushkun, chunki gʻalaba qozonishni juda istashgan edi», – deya murabbiy soʻzlarini Globo keltiradi.

Guruh bosqichining ikkinchi turida Marokash Shotlandiya terma jamoasiga qarshi maydonga tushadi. Shotlandiya musobaqadagi debut uchrashuvida Gaiti jamoasini 1:0 hisobida magʻlub etgan edi.