Messi natijasini takrorladi
Argentina Messi yetakchiligida Angliyani 2:1 hisobida mag‘lub etib, jahon chempionati finaliga chiqdi.
2026 yilgi jahon chempionati yarim finalida Argentina terma jamoasi Lionel Messi yetakchiligida Angliyani 2:1 hisobida mag‘lub etdi va finalga yo‘l oldi.
39 yoshli Messi uchrashuvda ikki marta hal qiluvchi pas berdi — gollar Enzo Fernandez va Lautaro Martines tomonidan urildi. Shu tariqa, u joriy mundialda o‘z hisobidagi assistlar sonini to‘rtga yetkazdi.
Opta Sports ma’lumotiga ko‘ra, Messi Pele 1970 yilgi jahon chempionatida qayd etgan yutug‘ini takrorladi. O‘shanda braziliyalik afsona bir turnir doirasida pley-off bosqichida to‘rtta golli pas bergan edi. Shundan beri bunday natijaga hech kim erisha olmagandi.
Endilikda Messida Pele rekordini yangilash imkoniyati bor. 19 iyul kuni Ispaniyaga qarshi final bahsida u yana bir golli pas bersa, pley-off bosqichidagi assistlar soni bo‘yicha jahon chempionatlari tarixida yagona rekordchiga aylanadi.
Izohlar (0)