Messi va Ronaldu bir jamoadan joy oldi

Analitika va statistikaga ixtisoslashgan FourFourTwo  portali barcha zamonlarning eng zo‘r o‘yinchilaridan tarkib topgan ramziy jamoa tuzib chiqdi.

Bu jamoaga eng nufuzli indiviual sovrin – “Oltin to‘p”ni eng ko‘p qo‘lga kiritgan ikki yulduz – Lionel Messi va Krishtianu Ronaldu ham kiritildi.

Ramziy jamoadan o‘rin egallagan bu ikki o‘yinchidan tashqari darvozabon Manuel Noyer ham professional faoliyatini davom ettirmoqda.

Ramziy jamoa quyidagicha ko‘rinish oldi:

Darvozabon:

Manuel Noyer (Germaniya);

Himoyachilar:

Karlos Alberto (Braziliya), Paolo Maldini (Italiya), Bobbi Mur (Angliya), Franko Barezi (Italiya);

Yarim himoyachilar:

Lotar Matteus (Germaniya), Andres Inesta (Ispaniya), Diego Maradona (Argentina);

Hujumchilar:

Lionel Messi (Argentina), Pele (Braziliya), Krishtianu Ronaldu (Portugaliya).