O‘runov Ufaga keldi. Bugun debyut ko‘ramizmi?
Rossiya premer-ligasining uchinchi turida ko‘pchilik Oston O‘runovning debyutini kutmoqda.
“Spartak” murabbiylar shtabi Oston O‘runovni Ufaga olib kelgan. Yana bir yangi futbolchi Aleksandr Kokorin esa, Moskvada qoldi. U hali jarohatidan to‘liq kutilmagani aytilmoqda. “Spartak” matbuot xizmati futbolchilarning Ufa aeroportidagi suratlarini namoyish etib, Oston O‘runovga alohida e’tibor qaratdi.
Chunki Oston “Spartak” safiga aynan “Ufa”dagi ishonchli o‘yinlari orqali taklif etilgan va bugun sobiq jamoasiga qarshi uchrashuvda debyut qiladigan bo‘lsa, bu O‘runov uchun o‘ziga xos tarixiy voqea bo‘ladi.
Uchrashuv atrofidagi voqealarni tahlil qilayotgan mutaxassislar Oston O‘runovning dastlabki ikki o‘yinni o‘tkazib yuborgani va koronavirusdan davolanganini inobatga olib, murabbiylar uni zaxiradan maydonga tushirishi mumkinligini ta’kidlamoqda.
Uchrashuv Toshkent vaqti bilan 18:00da boshlanadi.
Fikrlar