O‘zbekiston joy olgan savatcha va ehtimoliy raqiblar!

  • 12 iyun, 2024, 02:59
  • Karim Xudayqulov
  • 1
  • Futbol
TIGGO 2 PRO

"JCh-2026" 2-bosqich saralshining so‘nggi turida O‘zbekiston safarda Eronga qarshi o‘ynab, bir ochkoni qo‘lga kiritdi. 

Uchrashuvda bir qator vaziyatlar yuzaga kelgan bo‘lsa ham, darvozalar ishg‘ol qilinmadi. Bilasaiz, termamiz Toshkentda bo‘lib o‘tgan bellashuvda ham forslar bilan 2:2 hisobidagi durangga imzo chekkandi. O‘shanda Oston O‘runov hamda Sergeevning gollari evaziga "oq bo‘rilar" kambek amalga oshirgani ko‘pchilikning esida bo‘lsa kerak.  

Katanets 14 ochko bilan "E" guruhida ikkinchi o‘rinni qo‘lga kiritdi. Erondan faqatgina to‘plar nisbatiga ko‘ra ortda qoldik. Quyida termamiz keyingi bosqichda joy olgan savatcha hamda vakillarimizning ehtimoliy raqiblari bilan tanishib chiqishingiz mumkin. 



Qayd etish lozim, har bir savatchadan bir jamoa tanlab olinib, 6 ta terma jami uch guruhga bo‘linadi. O‘z kvartetlarida birinchi va ikkinchi o‘rinni qo‘lga kiritganlari to‘g‘ridan-to‘g‘ri Mundialga yo‘l oladi. 

Bundan tashqari, o‘z guruhlarida uchinchi hamda to‘rtinchi o‘rinni qo‘lga kiritgan termalar uchtadan ikki guruhga bo‘linadi. Ikki kvartetdagi birinchi pog‘ona sohiblari ham JCh-2026'ga chiqadi. 

Bu hali hammasi emas. Shuningdek, 3talik guruhlarda ikkinchi o‘rinni olgan termalar o‘zaro o‘yin o‘tkazadi. Mazkur bahs g‘olibi Amerika yoki Okeaniyada g‘olib bo‘lgan terma bilan o‘tish o‘yinida ishtirok etadi. 

Umuman olganda, Osiyoga 8.5 ta yo‘llanma berilgan. 3-bosqichda ishtirok etadigan terma jamoalarning deyarli yarmi Mundialga boradi, degani bu. Shunday ekan, bizda Jahon chempionatiga chiqish uchun ajoyib imkoniyat bor. Osiyoning eng kuchli uch termasidan bittasi bo‘lgan Eronga har ikki bahsda mag‘lub bo‘lmadik. Buyog‘iga sakkiz terma orasiga kirsak bas. Bu missiyani uddalashimiz shart. 


 

Fikrlar

Fikr qoldirish uchun avtorizatsiyadan o'ting!
Negmat Negmatov
12/06/2024 08:16
Ассалому алейкум. Айтаганингиз келсин. Худо хохласа Узбекистон ХАЛКИНИ ОРЗУ-НИЯТЛАРИ РУЙОБГА ЧИКИБ ЖАХОН ЧЕМПИОНАТИГА БОРАДИ, ЙИГИТЛАРГА СОГЛИК, ЖАРОХАТ ОЛИШМАСИН, ОМАД ЁР БУЛСИН . ДУО килинглар азиз юртдошлар .мугомбирлик, найранглар реферилар ва бошкалар АФК томонидан хурмача-киликлар булмасин илохим. Хозирги таркиб 1994 йилданги дан хам ЗУР, Олимпиаде уйинларида терма жамоа хали узини курсатади , хаммага соглик тилайман. Рахмат