Prevyu. "Bunyodkor" - "Navbahor"

"Navbahor" O‘zbekiston Cuperligasi 10-turi doirasida safarda “Bunyodkor” (Toshkent) mehmoni bo‘ladi.

O‘zbekiston chempionatlari tarixida ushbu jamoalar o‘zaro 38 marotaba kuch sinashishgan. O‘tkazilgan o‘yinlarning 21 tasida “Bunyodkor” “lochinlar”ni mag‘lubiyatga uchratgan. “Navbahor” esa  9 ta o‘yinda g‘alaba qozongan. 8 ta uchrashuvda tomonlar o‘zaro durangga imzo chekishgan. To‘plar nisbatidagi ko‘rsatkich 69:40, “qaldirg‘ochlar” foydasiga. O‘zaro o‘yinlarda “Bunyodkor” 71 ochko, “Navbahor” esa 35 ochkoni qo‘lga kiritgan. 

Ushbu klublarning o‘zaro o‘yinlaridagi eng yirik hisoblar 2009 va 2023 yillarda kuzatilgan. 2009 yili Toshkentda bo‘lib o‘tgan bahsda “qaldirg‘ochlar” 6:0 hisobida g‘alaba qozonishgan bo‘lsa, 2023 yilda poytaxtimizda dramatik tarzda kechgan bahsda “lochinlar” 5:1 hisobida zafar quchishgandi. 

Toshkentda bo‘lib o‘tgan 19 ta o‘yinning 14 tasida mezbonlar zafar quchishgan bo‘lsa, 1 ta uchrashuvda "Navbahor" g‘alaba qozongan, 4 ta bellashuvda esa g‘olib aniqlanmagan. To‘plar nisbati – 41:16, “qaldirg‘ochlar”  foydasiga.

Eslatib o‘tamiz, “Bunyodkor” – “Navbahor” uchrashuvi 18 may kuni Toshkentdagi “Bunyodkor” stadionida soat 19:00 da start oladi.