"Real" Rodri transferiga qiziqmaydi

Madridning "Real" klubi Rodrini transfer qilish masalasida oʻz pozitsiyasini oʻzgartirgani yoʻq.

"As" nashri maʼlumotiga koʻra, "qaymoqranglilar" yarim himoyachini jamoaga olib kelishni rejalashtirmayapti va u hali ham klub rejalariga kirmaydi.

Avvalroq Rodrining oʻzi "Real"ga oʻtish ehtimolini rad etmagan edi: «Mening “Atletiko”da oʻynaganim “Real”da toʻp surishimga toʻsqinlik qilmaydi. Dunyodagi eng yaxshi klublardan voz kechib boʻlmaydi", — degan edi ispaniyalik.

Biroq madridliklar yarim himoyani kuchaytirish uchun boshqa variantlarni koʻrib chiqmoqda.

Maʼlumot uchun, 29 yoshli futbolchining "Manchester Siti" bilan shartnomasi 2027 yilgacha amal qiladi.