"Real" yangi darvozabon topdi
U Kurtuaning o‘rnini bosa oladi
Shveytsariya terma jamoasi darvozaboni Gregor Kobel, hozirda shartnoma asosida dortmundlik «Borussiya» sharafini himoya qilayotgan bo‘lsa-da, Yevropa grandi klublaridan biri diqqat markaziga tushdi.
Insayder Ekrem Konur tarqatgan ma’lumotlarga ko‘ra, madridlik «Real» 28 yoshli posbonning o‘yinlarini yaqinidan kuzatib bormoqda. Shu paytgacha tomonlar o‘rtasida rasmiy muzokaralar boshlanmagan.
Kobelning ehtimoliy transferi uchun bozor qiymati taxminan 40 million yevro atrofida baholanmoqda. Gregor 2021 yil yozidan beri «Borussiya» tarkibida harakat qilmoqda. Uning amaldagi shartnomasi 2028 yil iyun oyi oxirigacha mo‘ljallangan.
Joriy mavsum Bundesligada Kobel uchta uchrashuvda maydonga tushib, o‘z darvozasidan jami ikki gol o‘tkazib yubordi.
Izohlar (0)