"Real" yozga ikki yulduzni tanladi

Madridning «Real» klubi kelasi yozda qaysi pozitsiyani kuchaytirishni rejalashtirayotgani ma’lum bo‘ldi.

Sport.es nashri xabariga ko‘ra, «qirollik klubi» yozgi transfer oynasini markaziy yarim himoya chizig‘ini mustahkamlashdan boshlashni mo‘ljallamoqda. 

«Real» rahbariyati ikki nomzodni ko‘rib chiqmoqda: shotlandiyalik Skott Maktominey, hozirda «Napoli» sharafini himoya qilayotgan futbolchi, hamda londonlik «Arsenal» yarim himoyachisi Martin Subimendi.

Manbaga ko‘ra, har ikki futbolchi ham jamoasini almashtirish variantiga yopiq emas. Maktominey «Napoli» bilan yangi shartnoma borasida kelishuvga erisha olmagan, Subimendi esa «kanonirlar» asosiy tarkibidagi o‘rnini yo‘qotgani aytilmoqda.