Reshford, shu shart bajarilsa, bizda o'ynaysan!

Londonning "Chelsi" klubi "Manchester Yunayted" hujumchisi Markus Reşfordni oʻz safiga qoʻshib olish imkoniyatini oʻrganmoqda. Biroq TEAMtalk nashri xabar berishicha, londonliklar bunga faqat bitta shart bajarilgan taqdirdagina rozi boʻladi. 

Manbaga koʻra, futbolchining vakillari va uning kelajagi ustida ishlayotgan vositachilar bir qator klublarga Reşfordni olish imkoniyati borligi haqida maʼlumot yetkazgan. Shu tarzda qiziqish bildirgan jamoalar orasida "Chelsi" ham bor.

Shu bilan birga, london klubi hozircha Reşfordni toʻliq sotib olish niyatida emas. Agar kelishuv amalga oshsa, u faqat ijaraga asosda boʻlishi kutilmoqda.

Xabarlarda taʼkidlanishicha, "Manchester Yunayted" bu yozda futbolchi bilan butunlay xayrlashishni rejalashtirgan va toʻliq transfer variantini afzal koʻradi. Avvalroq maʼlum qilinganidek, "Barselona" ingliz hujumchisini 2025/26 yilgi mavsumda ijaraga asosda oʻz safiga qoʻshib olgan, ammo 26 million funt sterling miqdoridagi sotib olish bandini ishga tushirmaslikka qaror qilgan.

Kataloniyaliklar ham futbolchini yana bir mavsumga ijaraga olish imkoniyatini inkor etmayapti. "Manchester Yunayted" esa Reşfordni taxminan 30 million yevro atrofida baholamoqda.