Risharlisonga jamoa topildi

«Everton» klubi «Tottenxem» hujumchisi Risharlisonni yana bir bor sotib olishga harakat qiladimi-yo'qmi, aniqlashdi.

Eslatib o'tamiz, o'tgan yozda jamoa braziliyalik futbolchini o'z safiga qo'shib olishni rejalashtirgan, ammo o'sha paytda kelishuv amalga oshmay qolgan edi.

TEAMtalk nashri xabariga ko'ra, «Everton» yozda transferga yaqin bo'lganiga qaramay, Risharlisonga bo'lgan qiziqishini yangilashni rejalashtirayotgani yo'q.

Joriy mavsumda Risharlison Angliya premyer-ligasida faqat bitta o'yinda maydonga tushdi va gol ham, samarali uzatma ham qayd etmadi.

Bundan avval «Tottenxem» braziliyalik hujumchini asosiy ro'yxatdan chiqarib tashlagani ma'lum qilingan edi. Sababi – jamoa bosh murabbiyi Roberto De Dzerbi unga endilikda ishonch bildirmayapti.