Ruis Ispaniya terma jamoasini tark etdi
Sabab aniq bo‘ldi
«PSJ» yarimhimoyachisi Fabian Ruiz Chexiyaga qarshi Millatlar ligasi uchrashuvi oldidan Ispaniya terma jamoasi qarorgohini tark etdi.
AS nashrining yozishicha, futbolchi Parijga yo‘l olgan. U yerda uni oilasidagi muhim voqea — birinchi farzandining tug‘ilishi kutmoqda. Shu bois Ruiz terma jamoa safida qolmaslikka qaror qilgan.
Natijada, u Chexiya terma jamoasiga qarshi bellashuvda maydonga tusha olmaydi. Luis de la Fuente boshqarayotgan Ispaniya terma jamoasi joriy Millatlar ligasidagi ilk ikki o‘yinni g‘alaba bilan boshlagan: Angliyani 3:2, Xorvatiyani esa 4:1 hisobida mag‘lub etgan.
3 oktyabr kuni Ispaniya Oviedo shahrida Chexiyani qabul qiladi. Shundan so‘ng ispanlar 6 oktyabr kuni safarda Xorvatiyaga qarshi maydonga tushadi. Har ikki o‘yin Toshkent vaqti bilan soat 23:45 da boshlanadi.
Izohlar (0)