"Semurg‘" finalga chiqa olmayapti

Ayni kunlarda xokkey bo‘yicha O‘zbekiston chempionatining pley-off uchrashuvlari bo‘lib o‘tayotgani haqida xabar bergan edik. Final yo‘llanmasi uchun kechayotgan murosasiz bellashuvlar muxlislarning e’tiboridan chetda qolmayapti.

“Binokor” klubi qatorasiga 3 o‘yinda “Toshkent” jamoasini mag‘lub etib, dastlabki final yo‘llanmasini qo‘lga kiritgan edi. Uning raqibi “Humo” va “Semurg‘” jamoalari qarama-qarshiligidan so‘ng aniq bo‘ladi. Ushbu klublarning to‘rtinchi o‘yinidan keyin ham ikkinchi finalchini aniqlab bo‘lmadi. To‘rtinchi o‘yinda “Humo” 5:2 hisobida ustun kelib, seriyalar bo‘yicha hisobni 2:2 ko‘rinishiga olib keldi.

Xokkey bo‘yicha O‘zbekiston chempionati, pley-off, 4-o‘yin

“Humo” – “Semurg‘” – 5:2 (seriyalar bo‘yicha hisob 2:2).

Pley-off uchrashuvlari 3ta g‘alabagacha davom etadi. Shunday ekan keyingi bahsda qaysi klub g‘alaba qozonsa, finalda “Binokor” bilan kuch sinashadi, deya xabar bermoqda MOQ.