Shomurodov "Jenoa"da qancha maosh oladi?

"Jenoa" rahbariyati "Rostov"ning o‘zbekistonlik hujumchisi Eldor Shomurodovning transferi bo‘yicha muzokaralarni faol davom ettirmoqda.

Metaratings nashri tarqatgan xabarga ko‘ra, A Seriya klubi hamyurtimizga yiliga 700-800 ming evro maosh taklif qilmoqda. Uning transferi uchun esa genuyaliklar rus klubiga 9 mln evro to‘laydi. Transfer tez orada rasmiylashtirilishi kutilmoqda.

25 yoshli Eldor “Rostov” safida 2017 yildan buyon to‘p surib kelmoqda. U o‘tgan 3 yil davomida jami 91 ta o‘yinda maydonga tushdi va o‘z hisobiga 18 ta gol hamda 12 ta golli uzatma yozdirib qo‘ydi.