Tamaev Ronalduning Bugatti avtomobilini sotib olmoqda

Mashhur bloger Asxab Tamaev Krishtianu Ronalduga tegishli bo‘lgan Bugatti avtomobilini sotib olganini ma’lum qildi.

Ma’lumotlarga ko‘ra, Tamaev portugaliyalik yulduzning superkarini xarid qilish bo‘yicha kelishuvga erishgan. Shuningdek, tomonlar 2026 yildgi Jahon chempionatidan keyin uchrashishga ham kelishib olgan.

Avvalroq Asxab Tamaev mazkur avtomobil uchun 6 million dollar taklif qilgani haqida xabarlar tarqalgan edi. 

Krishtianu Ronaldo esa hozirda Portugaliya terma jamoasi bilan Jahon chempionatiga tayyorgarlik ko‘rmoqda.