Asosiy mazmunga oʻtish
Futbol

Taremi "Inter" bilan kelishib oldi

Suhrob Xolbekov
Izohlar: 0

U 2024 yilda Italiyaga yo‘l oladi

Yozgi transferlar oynasida erkin agentga aylanishi kutilayotgan Mehdi Taremi uchun kurashda "Inter" favorit bo‘lib turibdi. Klub uni tekinga qo‘lga kiritishni istaydi. 

"TUTTOmercato" nashri xabar berishicha, tomonlar kelishib qo‘ygan va yozda Taremi "Inter" tarkibiga borib qo‘shiladi. Mianliklar hujumchi bilan 2 yillik shartnoma imzolashi ma’lum qilindi. 

Eslatib o‘tamiz, Mehdi ayni paytda "Portu" a’zosi. U mazkur mavsum jamoasi tarkibida 24 ta o‘yinda maydonga tushib, 10 ta golda ishtirok etishga muvaffaq bo‘ldi. 

Fabritsio Romano so‘zlariga ko‘ra, 31 yoshli eronlik futbolchi o‘tgan yozda ham "Inter"ga o‘tishga yaqin kelgandi, lekin klublar o‘zaro kelisha olmadi. Shu bilan birga, strayker o‘z vaqtida Saudiya Arabistonidan kelgan takliflarga rad javobini bergan. 

Ulashish
SPORTS.uz'ning Facebook'dagi sahifasiga a’zo bo‘ling!

Izohlar (0)

Hozircha izohlar yo'q