Xabi Alonso to‘rt futbolchini jamoadan chetladi

«Chelsi» tarkibida to‘rt nafar futbolchi asosiy jamoadan alohida tarzda mashg‘ulot o‘tkazayotgani ma’lum bo‘ldi. 

Sky Sports xabariga ko‘ra, himoyachilar Aksel Disasi va Tosin Adarabiyo, shuningdek hujumchilar Nikolas Jekson hamda Liam Delap hozircha jamoadan uzil-kesil ajralmagan, ammo ularning kelajagi klubda hali aniq emas.

Manba ta’kidlashicha, bu safargi vaziyat o‘tgan yildagi Rahim Sterling holatidan farq qiladi. O‘shanda vinger asosiy jamoadan chetlatilib, akademiya infratuzilmasidan foydalanishga majbur bo‘lgan edi. 

Hozir esa alohida guruh tarkibidagi futbolchilar «Chelsi»ning qolgan a’zolari bilan bir vaqtda shu baza hududida shug‘ullanishmoqda va klubning barcha shart-sharoitlaridan foydalanish huquqiga ega.

Ma’lumotlarga ko‘ra, «Chelsi» bu jarayonni juda ehtiyotkorlik bilan nazorat qilmoqda. Sababi – yozda FIFA tomonidan qabul qilingan yangi qoidalar klublarga nomaqbul deb hisoblangan futbolchilarni izolyatsiya qilishni amalda taqiq lab qo‘ygan. Shu bois londonliklar futbolchilar bilan ishlashda rasmiy talablar doirasidan chiqmaslikka harakat qilmoqda.