Xushxabar! "Devis Kubogi"ni g‘alaba bilan boshladik!
2,5 soatdan uzoqroq davom etgan bahs yakuniga etdi.
Tennis bo‘yicha norasmiy Jahon chempionati hisoblanadigan "Devis Kubogi" I guruhi pley-off bosqichi uchrashuvlari o‘tkazilmoqda.
Poytaxtimizdagi Respublika Olimpiya zaxiralari tennis maktabi kortlari O‘zbekiston va Turkiya qarama-qarshiligiga mezbonlik qilyapti. Bugun tomonlarning dastlabki bellashuvi bo‘lib o‘tdi va unda Sanjar Fayziev dunyo tasnif jadvalida 189-raqamda saralangan Chem Ilkel ustidan 3 setda g‘alaba qozondi.
Dastlab, 6:3 hisobida zafar quchgan vakilimiz 2-setni tay-brekda boy berdi. Hal qiluvchi setda esa, 6:4 hisobida g‘alaba qozonib, yurtimizga dastlabki g‘alabani taqdim etdi.
Endi kun tartibidan o‘rin olgan ikkinchi bellashuvda Sergey Fomin Altug‘ Chelikbilekka qarshi kortga chiqadi.
Izohlar (0)