“Yerevan Mayor Cup” turniri. Ikki bokschimiz yarim finalda!

Armaniston poytaxti Yerevanda o‘tkazilayotgan, boks bo‘yicha “Yerevan Mayor Cup” turnirining bugungi kun dasturidan o‘rin olgan, Samandar Olimov ishtirokidagi jang yakunlandi. U mezbonlar vakili Arman Arzumanyangga qarshi bahs yuritdi. Qiziqarli kechgan jangda Olimov 4:1 hisobida g‘alaba qozondi va yarim finalga yo‘l oldi.

-70 kg vazn toifasi chorak final bahsida Iqboljon Xoldorov Moldova vakili Vladimir Nazimkoga qarshi ringga ko‘tarildi. Har uch raundda raqibiga hech qanday imkoniyat qoldirmagan holda, 5:0 hisobida g‘alabaga erishgan Xoldorov yarim finalga yo‘l oldi.

Ertaга ushbu turnir yarim finalida yana ikki vakilimiz To‘rabek Habibullaev hamda Shahzod Muzaffarovlar ringga ko‘tariladi. Bu haqida O‘zbekiston Boks federatsiyasi xabar bermoqda.