Гарет Бэйлни “қилмиши”га яраша жазолашди
Мадриднинг “Реал” клуби ҳужумчиси Гарет Бэйл “Лас-Палмас”га қарши кечган Ла Лига 25-тур ўйинида ҳакам томонидан қизил карточка олиб, майдондан четлатилган эди. Бу воқеа учрашувнинг 49-дақиқасида юз берган эди. Ўша баҳс 3:3 ҳисобида жанговар дуранг билан якунига етган эди.
Унинг рақибга қилган қўполлиги қимматга тушиб, футболчи икки ўйинга дисквалификация қилинди.
Шундай қилиб, уэльслик футболчи “қироллик клуби”нинг Испания чемпионати навбатдаги икки турида “Эйбар”га қарши сафар ҳамда “Бетис”га қарши уй учрашувларини ўтказиб юборадиган бўлди.
Комментарии