Каролина Плишкова Германияда 113.060 евро ишлаб олди

Чехиялик Каролина Плишкова ҳамда америкалик Коко Вандевеге Штутгартда ўтказилган халқаро турнирнинг финалида ўзаро рақобатлашди.

Улар ўртасидаги мазкур учрашувда Каролина дастлабки сетда тай-брекда ғалаба қозонган бўлса, иккинчи сетни 6:4 ҳисобида ўз фойдасига ҳал қилди.

Каролина Плишкова "Porsche Tennis Grand Prix" турнирдаги ғалабаси орқали 470 рейтинг очкоси ва 113.060 евро пул мукофотига сазовор бўлди.