Сауль Альварес: Головкин билан реванш жанг бўлишини истайман

Лас-Вегасда ўтган Геннадий Головкин ва Сауль Альварес ўртасидаги жангдан сўнг мексикалик боксчи ўз фикрларини билдириб ўтди.

– Мен реванш жанг ўтказишни истайман. Агар одамлар буни ҳам истаса, барчани амалга ошириш мумкин. У (Головкин) ғалаба қозонмади. Бу жангда дуранг бўлди. Мен ҳар доим олдинга қадам ташлашим ҳақида айтганман. Биринчи раундларда мен устунликни қўлга олдим. Унинг нималарга қодирлигини билиш учун. Кейин ҳимояга ўтдим. Ўйлайманки, мен саккиз раундни ютгандим, – дейди Альварес.

Эслатиб ўтамиз, “T-Mobile Arena” аренасида ўтган жангда боксчилар дуранг қайд этди.