EA Sports компанияси Ибрагимовичнинг эътирозларига расмий муносабат билдирди

FIFA футбол симуляторини ишлаб чиқарувчи EA Sports компанияси "Милан" форварди Златан Ибрагимовичнинг эътирозларига ўз муносабатини билдирди.

Компания баёнотига кўра, EA Sports “Милан” клуби билан тузилган шартномага биноан, ушбу жамоа футболчиларининг ташқи кўринишидан фойдаланиш ҳуқуқига эга.

Бундан аввалроқ, 39 ёшли швециялик футболчи EA Sports компанияси ҳеч қандай рухсатсиз унинг қиёфасидан ва номидан фойдаланаётганини иддао қилган эди.

Ибрагимович жорий мавсум “Милан” сафида 10 та ўйинда майдонга тушди ва 11 та гол ҳамда 2 та голли узатма ёздириб қўйди.