Коронавирус Канчельскиснинг ўпкасини зарарламоқда
“Навбаҳор” бош мураббийи Андрей Канчельскис коронавирусга чалинган эди. Россиялик мураббий билан алоқа боғлаб турган рус сайтлари унинг ўпкаси 20 фоизга зарарланганини хабар қилмоқда.
- Текширувлар ўпкамнинг 20 фоизи зарарланганини кўрсатди. Аҳволим ўртача, лекин шифокорлар буни даволаса бўлади, дейишяпти. Энг муҳими, шифокорларга ўз вақтида мурожаат қилган эканман, - деди Канчельскис.
Андрей Канчельскис бош мураббийлик қилаётган “Навбаҳор” бу йилги мусобақада 14 та учрашувда 20 очко жамғариб, еттинчи ўринни эгаллаб турибди. Ҳозир бош мураббий йўқлигида футболчиларга Нўъмон Ҳасанов устозлик қилмоқда.
Комментарии