"Милан" 2 нафар футболчисини текинга қўйиб юбормоқчи

“Милан” клуби раҳбарияти мавсум якунлангач, 2 нафар футболчиси билан хайрлашмоқчи. Бу ҳақда Calciomercato нашри хабар тарқатмоқда.

Юқоридаги манбага кўра, “россонерилар” Лукас Билья ва Жакомо Бонавентура билан амалдаги шартномани узайтиришни хоҳлашмаяпти. Айтиш керакки, ушбу футболчиларнинг амалдаги шартномаси ёзда ўз ниҳоясига етади. Шу боис улар жамоани эркин агент сифатида тарк этишларига тўғри келади.

Бонавентура “Милан” сафида 2014 йилдан буён, Билья эса 2017 йилдан буён тўп суриб келаётган эди.