Ракитични Италияга чорлашмоқда

"Барселона" клуби ярим ҳимоячиси Иван Ракитич жорий ёзги трансферлар даврида жамоасини ўзгартириши мумкин.

TV3 тарқатган хабарга қараганда, 32 ёшли хорватиялик футболчининг хизматларига “Ювентус”да жиддий қизиқишлар пайдо бўла бошлаган. Туринликлар Ракитич ўрнига каталонияликларга Дуглас Костани беришмоқчи.

Эслатиб ўтамиз, бундан аввалроқ Ракитич “Атлетико” билан келишувга эришгани ҳақида хабарлар тарқалган эди.

Иван Ракитич жорий мавсум “Барселона” сафида 31 та ўйинда майдонга тушди ва 4 та голга ассистентлик қилди. Унинг клуб билан амалдаги шартномаси 2021 йилга қадар имзоланган.