Шомуродов ҳаммани қутқарди!

Тажрибали мутахассис Клаудио Раньерининг мураббийлик фаолиятини қайта тиклаб, “Рома”га келиши Рим клубидаги легионеримиз Элдор Шомуродов фаолиятида кескин бурилиш ясади.

Жозе Моуриньо, Даниэле де Росси, Иван Юрич каби аввалги мураббийлар томонидан етарли ўйин амалиёти берилмаган ва қўллаб-қувватланмаган ўзбек ҳужумчиси жорий мавсум Клаудио Раньери қўл остида мавсумнинг ҳал қилувчи палласида жамоанинг асосий фигурасига айланди.

А Сериянинг 33-турида айнан Элдор Шомуродов томонидан киритилган гол “Рома”га қимматли уч очкони келтирди ва “бўрилар” Европа Чемпионлар лигаси йўлланмаси учун курашиш имкониятини сақлаб қолди.

“Рома” мухлислари клубнинг ижтимоий тармоқдаги расмий саҳифаларида Элдор Шомуродовнинг ўйинини кенг муҳокама қиляпти.

Sports.uz  портали римлик фанатларнинг фикр-мулоҳазаларини ўзбекистонлик футбол ишқибозлари эътиборига ҳавола қилади.

David la Gamba:

Элдор Шомуродов қийин вазиятда ҳам гол ура олишини кўрсатди. Бироқ ўзбек ҳужумчиси украиналик форварддан фарқли равишда кенг майдон бўйлаб ҳужум уюштиришни, керак бўлганида ҳимояга қайтиб ўйнашни ҳам яхши билади. Шундан келиб чиқиб, чироқ устуни вазифасини бажарадиган Довбикнинг жойи захира ўриндиғида экан...

Luke Hd:

Ниҳоят, ҳақиқий ҳужумчимизни топдик. Шомуродов натижа қилди. Унга Суле зўр ёрдам бериб қўйди.

Alessio Alessio:

Элдор атрофида қанча гап-сўз бўлди. Шомуродов ҳар доимгидек, камгап, ўз ишини устаси сифатида гол ҳам уриб берди.

Riccardo Ferrazza:

Шомуродовнинг жамоада қолгани яхши бўлди, қийин пайтда фойда беряпти.

Sergio Pistoia:

Элдор, мавсум охиригача шундай давом эт!

Galileo Chiominto:

Шомуродов ўйинни зўр бошлаб берди. Шундай давом этинг ва биз “Раҳмат, “Рома” қўшиғини куйлаб берамиз!

Zen Ilao Arenas:

Элдор яна гол уриб, “Рома”га уч очко олиб бер.

Michela Annunziata:

Элдор буюк ишни уддалади.

Sitembiso Mngxozana – FinerThings:

Йигитларнинг имкониятидан шубҳаланган эдим. Шомуродов гол уриб, ҳаққоний ғалабани таъминлади.

Stefano Cardarella:

Шомуродов ҳаммани қутқарди. “Рома” Элдорга Раньери билан бирга ҳайкал қўйиш керак. Манчни, Свилар, Суле, Челик, Кристанте яхши ўйнади. Қолганлар ҳали уйғонгани йўқ.

Giovanni Peloso:

“Рома” зўр ўйнагани йўқ, ҳимоя заиф, ярим ҳимоя кучли эмас, ҳаммани фақат Элдорнинг биргина голи қутқарди.

Шомуродовга фанатлар янги талаб қўйди!

“Рома”ни Чемпионлар лигасига етаклаётган Шомуродовнинг ўйинини экспертлар қандай баҳолади?

Файзуллаев нега Европада ўйнамаяпти? “Барса” собиқ юлдузи вазиятни тушунтириб берди