Суперклуб Месси ва Роналдуни бирга ўйнатади
Туриннинг “Ювентус” клубида Мессини олиш ғояси пайдо бўлди. Агар режа амалга ошса, Пирло ҳужум чизиғида Месси ва Роналдуни бирга ўйнатади. Ана шу мақсадда, туринликлар Леонинг отаси Хорхега алоқага чиқди.
Айни пайтда кўпчилик аргентиналик ҳужумчини “Манчестер Сити”га ўтиши кутмоқда. Лионель ҳам Гвардиоланинг олдига бормоқчи. Мессининг яна бир истаги Неймар билан ўйнашдан иборат. У бразилиялик футболчини “Сити”га таклиф қилди. Бироқ, Неймар ПСЖдаги аргентиналик Анхель Ди Мария билан бирга Мессини Парижга чақирди.
Суперюлдузларни олишда эса “Ювентус”нинг ўзига хос тажрибаси бор. Хусусан, икки йил муқаддам туринликлар ҳеч ким ололмайди, деб ҳисобланган Криштиану Роналдуни А Серияга кўчириб келишни уддалаган.
Футбол мухлисларининг аксарияти сўнгги 10 йилликда бир бири билан рақобатлашиб келган энг зўр тўпурарларнинг бирга тўп суришини орзу қилмоқда. Бу ўзига хос зўр лойиҳа сифатида эътибор марказида бўлиши кутилмоқда.
Комментарии