Евро-2020. Португалия - Франция: Матнли трансляция

Ассалому алайкум, қадрли футбол ихлосмандлари! Европа чемпионати 3-туридан ўрин олган Португалия - Франция тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

Португалия

  • Криштиану Роналду 31', 60'

Чемпионат Европы. Группа F 3-тур

24/06/2021, 00:00

2
:
2
Тугади

Франция

  • Карим Бензема 45', 47'

Стадион: Puskas Arena 54886 томошабин

Бош ҳакам: Antonio Mateu

45'
90'

  • 90+5'

    Учрашув якунланди. Португалия - Франция учрашувида кучлар тенг келди!

  • 90+4'

    Португаллар таваккал қилиши мумкин. Энди улар мағлуб бўлган тақдирда ҳам плей-оффга чиқади.

  • 90+2'

    ВАРдаги ҳакамлар Матеу Лаосга пенальти йўқлигини билдирди.

  • 90+1 '

    Кингсли Коман жарима майдони ичида йиқилиб тушди. Ҳакам ўйинни давом эттиришга рухсат берди.

  • 90'

    Ўйиннинг асосий вақтига 5 дақиқа қўшиб берилди.

  • 89'

    Вақт камайгани сари эҳтиёткорлик ортиб бормоқда. Мураббийлар ҳотиржамликни сақлаш борасида тинмай кўрсатмалар беряпти.

  • 87'

    Дешамдан прагматик қарор: Гризманн ўрнига Мусса Сиссоко ўйинга қўшилди. Португалияда Ренату Санчеш ўз ўрнини Сержию Оливейра майдонга тушди.

  • 86'

    Гризманнинг кучли зарбасидан кейин тўп тўсин юқорисидан ўтиб кетди.

  • 84'

    Брунунинг узатмасидан кейин Роналду зарба беришга кечикди. Ортдан етиб келган Коман тўпни олиб қўйди.

  • 83'

    Қарши ҳужумга ўтиши мумкин бўлган Роналдуни Кимпембе йиқитди. Ҳакам ҳеч иккиланмай сариқ карточка кўрсатди.

  • 81'

    Тўхталишлар сабабми ёки иштиёқ учунми ўйин темпи бироз пасайди. Балки футболчилар куч тўплаётгандир. Сўнгги юриш олдидан кичик хордиқ.

  • 79'

    Жароҳат олган Нельсон Семеду ўрнига Диогу Далот майдонга тушди.

  • 78'

    Баланд сакраган Семеду ерга тушаётганда оёғини қайириб олди. Жиддий жароҳат.

  • 76'

    Зарба позициясига чиқиб борган Гризманнинг уринишидан кейин тўп ҳимоячидан ўтмади.

  • 75'

    Португалияликлар чарчади, чоғи. Ҳаракатларда ноаниқликлар сезилмоқда.

  • 74'

    Португалиялик ҳимоячилар босим остида бўлишига қарамай тўпни дарвозабонга оҳиста ташлаб берди.

  • 73'

    Жоау Моутинью ва Бернарду Сильва ўрнига Рубен Невеш ҳамда Бруну Фернандеш ўйинга қўшилди.

  • 72'

    Пальинья керакчиз жойда ортиқча зарба берди. Қарорнинг хатолиги етмагандек, ижроси ҳам ўхшамади.

  • 71'

    Карим Бенземанинг зарбаси кучсиз чиқди.

  • 70'

    Дешам шогирдлари тўпни назорат қилмоқда. Уларда куч кўпроқ қолгандек кўриняпти.

  • 68'

    Патрисиудан 2 та супер сейв! "Погбум"нинг пушкасини қайтарган дарвозабон Гризманнинг яқин масофадан берган зарбасини ҳам бартараф этди. Шунчаки супер!

  • 66'

    Жарима майддони ичида мбаппе тўпни тўхтатишда хато қилди.

  • 65'

    Дешам ўйиннинг боришини ўзгартирмоқчи. Коман Толиссо ўрнига майдонга тушди.

  • 63'

    Жарима майдони яқинида Рабьо Семедуни йиқитди. Португалияда стандарт вазият.

  • 62'

    Ўйин шиддати жуда юқори. Жамоалар умуман тинмаяпти.

  • 60'

    ГООООООООООЛ! Роналдуууууууууууууу! 109-гол! Рекорд!

    Бу сафар ҳам чап томонга зарба берган Криштиану Льорисни ожиз қолдирди.

  • 59'

    Францияликлар ҳакамга эътироз билдирмоқда.

  • 58'

    Жарима майдони ичида тўп Кунденинг қўлига тегди. Ҳакам яна пенальти белгиламоқда. Уни Роналду ишлади.

  • 58'

    Французлар тўпни олиб қўйиб майдон бўйлаб бир-бирларига узатиб юрибди.

  • 56'

    Дешам шогирдлари зич ҳимояланмоқда. Ҳатто, Роналду ҳам бу мудофаани ёриб ўтишда катта қийинчиликка дуч келяпти.

  • 54'

    Португаллар тўпни ўзларида ушлаб турибди. Энди хавф туғдирадиган нимадир ўйлаш қолди.

  • 53'

    Жароҳат олган Динь ўрнига Адриен Рабьо ўйинга қўшилди.

  • 52'

    Энг қиммат таркибга эга, юлдузларга тўла Франция учун ярашмайдиган ҳолат. Антифутбол тарафдори бўлмайлик, азизлар!

  • 51'

    Люка Динь актёрлик маҳоратини қойилмақом тарзда ижро этди. Майдон ташқарисида турган Люка яна майдонга қайтиб ётиб олди.

  • 49'

    Баланд сакраган Роналду боши билан зарба берди. Зарбага аниқлик етишмади.

  • 47'

    ЙЎҚ! ГОЛ! ГООООООООЛ! Бензема дублни расмийлаштирди!

    Каримнинг голи такрорий лавҳалардан кейин ҳисобга олинди!

  • 47'

    Ҳимоячилардан қочиб кетган Бензема дарвозанинг узоқ бурчагини аниқ нишонга олди. Ҳакам офсайд туфайли голни бекор қилди.

  • 47'

    Номинал меҳмонлар тўп назоратини ўзларида ушлаб турибди.

  • 46'

    Иккинчи тайм бошланди!

  • 46'

    Бўлимлар оралиғида ҳар икки жамоада ўзгариш: Францияда Люка Эрнандес ўрнига Люка Динь, Португалияда Данилу ўрнига Пальинья ўйинга қўшилди.

  • 46'

    Улар қайтмоқда! Навбат бизники!

  • 45+4'

    Танаффус!

  • 45+4'

    Мбаппе яна бир марта жарима майдони ичида йиқилди. Ҳакам бу сафар унга ўрнидан туриши лозимлигини таъкидлади.

  • 45+3'

    Жамоалар биринчи таймда бироз эҳтиёткор футбол намойиш этди. Пенальтилар ҳам ортиқча хавотир ортидан юзага келди.

  • 45+2'

    ГОООООООЛ! Бенземааааааааааааааа!

    Нуқта қаршисига келган Карим ҳам чап томонни нишонга олиб ҳисобни тенглаштирди.

  • 45+1'

    Португаллар ҳакамга таъсир ўтказишга ҳаракат қилмоқда. Аммо тажрибали Матеу Лаос ўз фикрида қолди.

  • 45'

    Жарима майдони ичида Семеду Мбаппега нисбатан қоида бузди. Лаос яна 11 метрлик нуқтага ишора қилди.

  • 44'

    Францияга гол керак. Фаоллик эса Португалия тарафда. Иштиёқ масаласи ўртага чиқмоқда.

  • 43'

    Кимпембе Роналдунинг финтига алданди ва унга нисбатан қоида бузди. Португалияда яна бир стандарт.

  • 42'

    Шундоқ ҳам сариқ карточкаси бўлган Эрнандес яна Бернардуга нисбатан қоида бузди. Кейинги шундай ҳаракат қизил карточкага сабаб бўлиши мумкин.

  • 41'

    Жоау Моутинью узоқ масофадан ўз омадини синаб кўрди. Зарбага аниқлик етишмади.

  • 40'

    Бу сафар Антуан Гризманнга сариқ карточка кўрсатилди.

  • 39'

    Французларнинг ҳужумларига кескинлик етишмаяпти. Кескинлар уларнинг қўпол ҳаракатларида кўринмоқда.

  • 37'

    Гризманнга тўп бироз ноқулай тарзда етиб келди. Табиийки, Антуаннинг ҳаракати ҳам ноаниқ чиқди.

  • 36'

    Бернарду Сильвани ўтказиб юборгандан кейин уни қўллари билан ушлаб тўхтатган Люка Эрнандесга сариқ карточка кўрсатилди.

  • 35'

    Жота қарор чиқаришда хато қилди. Диогу қулай позицияга чиқиб бораётган Роналдуга пас бермади.

  • 34'

    Жоау Моутиньюнинг олис масофадан йўллаган зарбасига аниқлик етишмади.

  • 33'

    Бугун Ренату Санчеш анча яхши ўйин кўрсатмоқда. Фернанду Сантуш адашмабди!

  • 32'

    Франция голга шундоқ қараб тура олмайди. Улар дарҳол тўп назоратини қўлга олди.

  • 31'

    ГООООООООООЛ! Роналдууууууууууууууууу!

    Криштиану ўзидан чап томонга кучли зарба йўллаб ҳисобни очди!

  • 29'

    Данули Перрейрага тиббий ёрдам кўрсатилмоқда. Льорис эса огоҳлантирилди.

  • 28'

    Жарима майдонига оширилган тўп учун курашда Льорис Данилуга нисбатан қўполлик ишлатди. Лаос пенальти белгилади.

  • 27'

    Канте Санчешга нисбатан фол ишлатди. Портушалияда стандарт вазият.

  • 26'

    Мбаппе шерикларини кўпроқ узатма беришга ундамоқда. 

  • 24'

    Жамоадоши узатган тўпга Жота ета олмади. Варан чаққонроқ чиқди.

  • 22'

    Айни дақиқаларга келиб Дешам шогирдлари позицион ҳужумлар уюштяпти.

  • 20'

    Вараннинг хатосидан кейин тўпга эга чиққан Роналдунинг зарбаси ўхшамади. Тўп унинг оёғига тушмади.

  • 18'

    Томонлар эҳтиёткорликка урғу қаратмоқда. Ўйин қиймати жуда юқори.

  • 16'

    Францияда хавфли вазият! Дарвозабон билан бирга-бир вазиятдан Мбаппе гол ура олмади. Патрисиу вазият қаҳрамони.

  • 14'

    Жарима майдонига оширилган тўпга Роналду ета олмади. Криштиану қанчалик баланд сакрай олишини инобатга олсак, тўп анча баланддан ўтиб кетганини пайқаш қийин эмас.

  • 12'

    Дастлабки 10 дақиқаликда темп ёмон бўлмади. Воқеалар ривожини кузатамиз.

  • 10'

    Погбанинг узатмасидан кейин Мбаппе тўпга ета олмади.

  • 9'

    Ортга қайтган Гризманн "подкат" эвазига Жотани тўхтатди. Кимдир учун вазият қўполликка ўхшаб кўринди.

  • 8'

    Сантуш шогирдлари тўп назоратига эътибор қаратмоқда. Франция эса қарши ҳужумларни кутяпти.

  • 7'

    Кутилмаганда, Мбаппе бурчакдан тўпни ўйинга киритди. Ҳимояга қайтган Криштиану тўпни узоқлаштирди.

  • 6'

    Санчеш берган пасдан кейин Роналду боши билан зарба йўллади. Дарвозабон тўпни ушлаб олди.

  • 5'

    "Уч ранглилар" рақиб юлдузи Роналдуни персонал тарзда қўриқлаяпти.

  • 4'

    Ренату Санчешнинг зарба аралаш узатмасига жамоадоши ета олмади. Льорис тўпни ушлаб олди.

  • 3'

    Дешам шогирдлари рақиб ярим майдонида 5 киши бўлиб прессинг уюштирмоқда.

  • 2'

    Тўпни ўйинга киритган французлар уни бир дақиқа давомида ўзларида ушлаб турди. Энди португаллар тўп билан.

  • 1'

    Учрашувга старт берилди!

  • 0'

    Ҳар икки жамоа вакиллари миллий мадҳияни куйлади. Бошланмоқда!!!

  • 0'

    Футболчилар майдонга тушиб келди. Супер учрашув старт олишига бир неча сониялар қолди!

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар