12 таси кетади: “Манчестер Юнайтед” бутун жамоадан воз кечишга тайёр!

“Манчестер Юнайтед” бу мавсум Европа Чемпионлар лигасига йўлланма ололмайди. Клуб раҳбарияти ёзда таркибда жиддий ўзгаришлар қилиши ҳақида кўп маълумотлар тарқатилмоқда.

Сўнгги хабарларга қараганда, клуб хўжайинлари 12 нафар футболчи билан хайрлашишни режалаштирмоқда.

Ёзда жамоани тарк этиши мумкин бўлган ўйинчилар рўйхатида Маркус Рэшфорд, Бруну Фернандеш, Антони, Жейдон Санчо, Ҳарри  Магуайр, Андре Онана, Каземиро, Скотт Мактоминей, Мэйсон Гринвуд, Антони Марсьяль, Рафаэль Варан, Суфён Амрабат бор.

Бу футболчилардан айримларининг клуб билан шартномаси тугаяпти, баъзилари бошқа клубларга ижарага жўнатилган, қолганлари трансферга қўйилиши режалаштирилган.