"Барселона"нинг тўрт футболчиси Мессининг қурбони бўлади
"Барселона" раҳбарияти айни пайтдаги икки етакчи футболчиси - Лионель Месси ва Андрес Иньеста билан шартномаларни янгилаш борасида бош қотирмоқда. Сир эмаски, жамоага энг катта фойда келтираётган чарм тўп усталари маошни ҳам бошқалардан кўп олиши керак.
Маълумотларга қараганда, Каталония клуби раҳбарлари Месси ва Иньестанинг янги шартнома бўйича оладиган маошларини тўлаш учун ёзки трансферлар мавсумида асосий таркибнинг тўрт футболчисидан воз кечади.
Айни пайтда "Барселона" мажбурият юзасидан Алейкс Видаль, Жереми Матье, Иван Ракитич ва Арда Туран билан хайрлашишни режалаштираётгани айтилмоқда.
Фикрлар