Бэйл: Тезроқ майдонга қайтишим учун юракдан меҳнат қилдим

Мадриднинг “Реал” клуби ҳужумкор ярим ҳимоячиси Гарет Бэйл кеча Испания чемпионати 23-турида “Эспаньол”га қарши бўлиб ўтган ўйин ҳақида ўз фикрларини билдириб ўтди.

“Майдонга қайтганимдан ва гол урганимдан жуда ҳам хурсандман. Мен жароҳатдан тезроқ тикланишим учун юракдан меҳнат қилдим. Аввалги ҳолатимга қайтишим учун эса яна ўз устимда ишлашда давом этишим керак. 100 фоиз тайёр бўлишим учун менга камида бир неча ҳафта керак бўлади”, - дейди уэльслик футболчи The Guardian нашрига берган интервьюсида.

Эслатиб ўтамиз, Бэйл кеча ўйиннинг 71-дақиқасида заҳирадан майдонга тушган ва 83-дақиқада ўз ҳисобига гол ёздириб қўйишга эришган эди.