Бокс бўйича терма жамоамиз янги мавсумга тайёргарликни бошлаб юборишди
Маълумки, ўтган 2016 йил ўзбек спортчилари учун жуда омадли ўтди. Спортчиларимиз халқаро майдонларда ўзларининг нималарга қодирлигини исботлашиб, давлатимиз байроғини баланд-баландларга кўтаришди.
Янги 2017 йилнинг илк кунларидан эса янги мавсумга тайёргарликка киришган боксчиларимиз бугун ўқув-йиғин машғулотларининг биринчи босқичини ўташ учун Ангренга йўл олишди. Унда боксчилар, мураббийлар ва бошқалар билан жами 53 киши иштирок этишмоқда. Машғулотларнинг биринчи босқич 19 январгача давом этади.
Эслатиб ўтамиз, боксчиларимизнинг янги мавсумдаги илк иштирокини Бутунжаҳон бокс серияси (WSB) мусобақасида бошлайди. “Uzbek Tigers” жамоасининг илк рақиби Хитойнинг “China Dragons” бўлади. Жанглар 3 февраль куни ўтказилиши режалаштирилган.
Бу ҳақда батафсил кейинроқ тўхталамиз.
Фикрлар